За мускулот правилно да расте и да се опорави после тренинг потребно е да внесуваме доволно протеини. Дневниот внес на протеини изнесува 1,5 гр. по килограм од Вашата тежина. Ако тежите 70 кг. потребниот внес на поротеини ќе изнесува од 100-140 гр.
Во прилог следи предлог листа на неколку производи кои ќе ги задоволата Вашите протеински потреби на високо ниво.
- 10 јајца (3 цели и 7 белки)
Јајцето е една од најкомплетните храни кои што постојат, а изобилува со многу витални витамини и минерали, но холестеролот во жолчката го прави неговиот внес ограничен, но добра вест е што белката се состои само од вода и високо квалитетен протеин, кој што ги содржи сите 9 есенцијални аминокиселини и може да се внесува неограничено. Целото јајце содржи 6,28 гр. протеин, а само белката 3,6 гр. 10 јајца, од кои 3 цели и 7 само белките, содржат одприлика 45 гр. протеин, и ќе Ве чинат само 60 денари.
- 1 литар млеко
Млекото е еден од основните продукти кој треба секој спортист да ги има на својата листа. Многуте витамини, идеалниот сооднос на калциум (1,2 гр/лит) и калиум, но и другите минерали го прават едно од најздравите храни. Но нас не интересира неговиот протеин кој изнесува 32 гр./лит (80% е каезин, а 20% whey), и ќе Ве чини 40 денари.
- 200 гр. туна или пилешко
Туната содржи омега 3 масни киселини, додека пилешкото е богато со протеини, а сиромашно со масти. Протеинската содржаност во туната и пилешкото месо изнесува од 45 гр(+/-) во 200 гр.месо, а цената е 50 денари.
Вкупниот внес на протеини од претходните намирници изнесува од прилика 125 гр, а ќе Ве чини околу 150 денари. Не заборавајте дека и во останатите јадења што ќе ги конзумирате, внесувате одреденена количина на протеини.
