Вишокот маснотии претставуваат проблем на сите спортисти, но и на обичните луѓе. На пазарот има многу продукти кои нудат намалување на килограмите и топење маснотите, но колку сме сигурни дека тие производи како апчиња, прашаци и течности се безбедни?
Ние ќе Ви понудиме многу едноставен систем за топење маснотии, комбинирани со Вашите секојдневни вежби. Овие состојки се 100% природни и се содржани во сите топачи на масти, а притоа нема да се плашите од честите несакани последици.
Основни состојки:
- – Кафе
- – Зелен чај
- – Чили зачин
- – Цимет
Доколку би ги ставиле во блендер и би ги помешале овие состојки во еден напиток, тој ќе има многу лош вкус и Вие не би го пробале повеќе од еднаш. Затоа е направен систем на комбинација на состојките.
СИСТЕМОТ:
- – Да започнеме со кафето, односно нас не интересира кофеинот кој што го содржи. Испијте го половина час пред тренинг, доколку пиете "турско" кафе ставете 1 полна лажичка, а ако повеќе преферирате инстант кафе (пр. Nescafe) ќе морате да употребите 2 лажици бидејќи содржи 1/3 помалку кофеин од обичното кафе. Кафето се пие само со вода, без притоа да се додаде млеко или шеќер, но не е проблем доколку го комбинирате со протеинскиот шејк. Ова може да го пиете и како прво нешто наутро, но најдобро е половина час пред било каков тренинг, бидејќи кофеинот ќе Ви даде сила да тренирате понапорно и да согорите многу масти додека вежбате.
- – Зелениот чај се користи како попладневен пијалок, да се освежите и да се заситите за да не пробате некоја калорична ужина. Исто така можете да го пиете помеѓу ручекот и вечерата, со што ќе Ве држи во зоната на топење масти, а притоа да не Ве попречи да заспиете поради кофеинот што го содржи.
- – Чилито се наоѓа како состојка во повеќето топачи на масти поради неговата способност да го забрза метаболизмот. Ставете врз Вашето пилешко или риба малку маслиново масло и зачинетего со чили, ова ќе и даде убав вкус за уживање на храната, а како секундарен ефект ќе Ви се забрза метаболизмот. Комбинирањето на зачинот ги претвара оброците во топачи на масти.
- – Циметот не е топач на масти, но го регулира нивото на шеќер во крвта и нивоата на инсулин, и со тоа помага Вашето тело да ја одржи состојбата на топење на маснотиите. Циметот има одличен вкус и без проблем може да се додаде во протеинскиот шејк, или во комбинација со овошната салата.
Ова е комплетниот систем за топење на вишокот масти кој се користи секојдневно и извршува успешно намалување на мастите во комбинација со вежби за мускулна маса и кардио. Сите состојките се природни и се многу ефикасни.
