Значењето кое се придавало на овој збор во древна Индија може да се види од следниот цитат:
Суштината на сите битија е земјата,
суштината на земјата е водата,
суштината на водата се билките,
суштината на билките е човекот,
суштината на човекот е говорот,
суштината на говорот е прозата,
суштината на прозата е поезијата,
суштината на поезијата е музиката.
“Музиката е најдобра од сите суштини, најголема, достојна на највисокото место” (Чендогја Упанишад)
Со други зборови:
Тајната сила и квалитетот на земјата и водата се згуснати и претворени во повисокиот организам на билката, силата на билката е згусната и претворена во човекот, силата на луѓето згусната е во способноста на ментална рефлексија и изразување во звучен еквивалент, кој комбинирано произведува внатрешни (појмовни) и надворешни (слушни) облици на животот..
Највредниот духовен израз на достигнување , од збирот на сите искуства е светото знаење во облик на поезијата и музиката. Поезијата е пофина од прозата,затоа што неизиниот ритам ствара повисоко единство и ѓи раскинува ланците на нашата свест, додека музиката е пофина од поезијата, затоа што не воздига над значењето на зборовите во состојба на интуитивна приемчивост.
Конечно и двете, ритамот и мелодијата наоѓаат синтеза и решение (кое може да изгледа како расеано за просечниот интелект) во една длабока и сеопшто земена вибрација на светиот слог Ом.
Овде се постигнува врвот на пирамидата, воздигнувајќи се од нивото на матријална разноликост (прости елементи) до точка на крајна еднообразност и духовност, која содржи скриени својства на сите предходни состојби, како семе или зачеток.
Во таа смисла ОМ е сржта, семениот слог на Универзумот.
Ом е користен во космичкиот паралелизам во светите церемонии на Ведите и станал еден од најважните симболи на Јогата.
Бидејќи е ослободен од мистицизмот и магијската света пракса, како и филозовските шпекулации на ранорелигиозните мисли, тој станува еден од суштинските средства во праксата на медитација и внатрешно соединување (што е вистинското значење на Јогата)
Така, од метафизички симбол Ом станал вид на психолошко орудие или средство за концентрација.
“Како што пајакот се искачува по пајажината и стекнува слобода, така и Јогинот се искачува кон ослободувањето со помош на слогот Ом.”
