Потребни беа милиони години за да еволуираат луѓето од четири нозе до стоење исправено на две нозе. Сега, човештвото го достигна пресуднниот стадиум во својата еволуција.
Освен добри дела и искрени зборови, духовната еволуција представува напредок на духот и душата кон едно ниво на тотално будење наречено Големо Просветлување, со супериорна интелигенција. Со цел да се достигне ова ниво, ние мора да бидеме екстремно трпеливи и да практицираме со целото свое разбирање на стварноста, некои основни принципи. Ова е значењето на медитативната пракса. Кога еднаш практикантите достигнале високо ниво, тие ќе можат да го применат ова знаење за да им помогнат на другите и да дадат од себе и на тој начин акумулирајќи доблести додека се сеуште на овој свет. Ова е она што е наречено духовност.
Јога значи единство со своето внатрешно битие. Ова единство доаѓа кога ќе се надмине двојноста на умот и материјата. Асана значи положба на телото во која што долго време можете да останете стабилно, мирно и удобно, и физички и ментално.
Во еден древен текст за јогата, напишан од Патанџали во “Ѕога Сутрама” постои кратка дефиниција за асаните Стхирам Сукхам Асанам: стабилна и удобна положба. Во овој контекст, асаните се изведуваат за развивање способност за седење во една положба подолго време,како што е тоа за време на медитација.
Асаните исто така може да се прават со цел да се излечи некоја болест,како и за одржување на здравјето на високо ниво. Со благо истегнување на мускулите, масажа на внатрешните органи и тонизирање на нервите во целиот организам, здравјето на оној што ги прави асаните може многу да се подобри, а многу болести, дури и оние кои се нарекуваат “неизлечиви”, можат да се олеснат или потполно да се отстранат.
Од овој аспект се одржуваат и семинарите по традиционална јога. Целта на семинарите е практикантите што подобро и подетално да навлезат во суштината на ЈОГАТА и преку нејзините вежби поефикасно да ја постигнат физичката, ментално – емотивната и духовната стабилност.
.
Со Љубов и Светлина, Сурија
