Правете чучњеви со преден фат на шипката за да станете посилни и да ги подобрите атлетските перформанси. оваа вежба е една од најдобрите алатки за постигнување на нови нивоа на атлетицизам, оптимална флексибилност и динамичка мобилност. Чучњевите со преден фат се одлични и за рекреативните вежбачи.
Има неколку нови студии кои ни кажуваат како да ги добиеме најдобрите резултати при вежбање на чучњевите со преден фат.
Прво, пред чучњевите се бара од вас да имаат супериорна флексибилност во колкот, глуждот, рамото и рачениот зглоб. Ако не сте доволно флексибилни за да можете да изведите чучњеви со преден фат, вие никогаш нема да го постигнете својот максимален потенцијал за сила на долниот дел од телото.
Второ, кога станува збор за техниката, треба да се трудите да ја изведувате што е можно по правилно, особено при кревањето – движењето нагоре внимавајте да не ви бегаат колковите наназад ,зошто наспроти може да ви падне шипката. Чучњевите со преден фат, создаваат помал притисок на коленото за разлика од стандардните чучњеви, а сепак обезбедуваат споредлив тренинг за стимул на мускулите.
Трето, со помош на електромиографско читање се докажа дека овие чучњеви ги активираат квадрицепсите, стомачните мускули (rectus abdominis), и долниот дел од кичмата (erector spinae) многу подобро отколку стандардните чучњеви. Овој факт ја прави оваа вежба да биде одлична за подобрување на брзината и одразот кај спортистите. Затоа што ви дозволува да го тренирате телото со синергистички пренос на сила преку кинетички синџир. На пример, една студија направена врз австралиски рагбисти – елитни играчи покажа дека спортистите со поголемо максимално поткревање на вежбата "чучњеви со преден фат на шипка" имаат поголема спринтна брзина и поголема агилност, за разлика од оние кои би можеле да поткренат помала тежина.
Друга корист од правењето чучњеви со преден фат на шипката, е тоа што ви помага да го тренирате вертикалното забрзување за спортови кои бараат скокање.
