Вишокот на телесна тежина е причина за многу здравствени проблеми. Во тој случај срцето, коските и крвотокот се дополнително оптоварени. Да се ослаби значи да се добие здравје.
Идеалната телесна тежина за едно возрасно лице може приближно да се утврди од неговата висина: висината над 100 см, се килограмите на нашата телесна тежина. На пример, лице високо 170см би требало да тежи 70 кг. Во зависност од конституцијата на телото, можни се отстапувања од ± 7 кг.
Гоењето е нерамнотежа помеѓу внесената енергија и енергијата која навистина му е потребна на организмот. Таа разлика се пласти во вид на масти, пред се под кожата.
Што најмногу предизвикува гоење?
– мастите, особено оние од животинско потекло
– рафинираните јаглеродни хидрати(бело брашно, бел шеќер, слатки направени од нив)
– алкохолните пијалаци– преку нив се внесуваат изобилство од калории кои се претвораат во масти
– солта во неумерени количества во исхраната. Солта ја врзува водата, а тоа води кон зголемување на телесната тежина
Leave a Reply