Постојно слушаме колку е важно да се истегнуваме, а со тоа да а подобриме флексибилноста, да го забрзаме опоравокот на мускулите и да спречиме повреди. На кратко ќе Ви објасниме какви видови на истегнување постојат и краток опис за секое од нив.
1. АКТИВНО ИСТЕГНУВАЊЕ значи да држиш и да тегнеш без помош од никој друг, освен од мускулот кој се спротиставува. Активното истегнување овозможува тензијата од влечењето да го опушти мускулот кој што го истегнувате со реципрочна инхибитација. Реципрочна инхибитација е состојбата кога мускулите се спречени да се контрактираат. Активното истегнување обично ќе го видите во Јогата.
2. ДИНМИЧНО ИСТЕГНУВАЊЕ е кога движиш делови од телото, а со тоа се обидуваш да ја достигнеш границата на нивното крајно движење. Ова е совршено загревање ако вежбате аеробик.
Примери на ова истегнување се: нишање на нога (лево-десно, напред-назад), шут, кревање коленици, кружење со рацете итн. Ова истегнување не се користи само за аеробик, можете да го користите за кој било спорт или за кревање тежини.
3. МИОФАЦИЈАЛНО ИСТЕГНУВАЊЕ (под притисок) се дефинира како истегнување каде што се "раздвојува" мускулното ткиво. Покрај сунѓерест ролер (foam roller) можете да користите топче за тенис или безбол, како и помала медицинка. Повеќе за ова истегнување на линков.
4. PNF ИСТЕГНУВАЊЕ (проактивно-нервномускулно олеснување) е комбинација од пасивно и изометрично истегнување. Многу подетално на следниов линк.
5. СТАТИЧНО ИСТЕГНУВАЊЕ значи во буквален превод. Мускулот се истегнува до точка каде што ќе го почуствувате истегнувањето, но сеуште да Ви е удобно. Држете 5-10 секудни, отпуштете и повторете 2-3 пати.
Практикувајте го секогаш, веднаш после вежбање бидејќи Ви овозможува опоравок на мускулите, а воедно Ви и ја зголемува флексибилноста.
