Многу е важно да се тестираат фитнес способностите на секоја индивидуа, при што многу лесно ќе се определи тренинг програмата која најдобро функционира и ќе знае каква цел да постави за да може да ја постигне. Тестирањето се извршува пред почетокот на програмата и потоа на одредени еднакви интервали за да се следат подобрувањата, а со тоа истовремено ќе служи како мотивација.
АЕРОБНО ТЕСТИРАЊЕ
Наједноставното мерење на аеробното фитнес ниво е да се:
Измерат отчкувањата на срцето (1 мин) во мирување. Ако сте фит, ќе имате мало отчукување (70 во просек или помалку). Ставете 2 прста на вратот или на вените на раката (зглобот) и бројте ги отчукувањата во период од 15 секунди, потоа помножете во 4 и ќе го добиете отчукувањето за 1 минута.
Tестирање на скалило
♦ На платформа со висина од 45 цм, изведувајте искачување и симнување во период од 5 минути со просечно 30 пати во минута.
♦ Одморете 1 минута откако ќе завршите и потоа измерете ги отчукувањата на срцето.
♦ Помножете го бројот на отчукувања со 5,5. Колку повисок број добиете, толку сте поспремни.
12 минутно трчање
♦ Најпрво загрејте се.
♦ Tрчајте кругови со претходно измерена должина, највеќе кругови колку што можете за 12 минути.
♦ Запишете ја должината, колку поголема должина ќе истрачате, толку сте поспремни.
♦ Запишаните резултати ќе ги споредите со повторното тестирање.
ДРУГИ ФИТНЕС ТЕСТОВИ
Мускулна издржливост
Можете да ги тестирате различните мускулни групи на телото, едноставно со тоа колку вежби можете да направите за таа мускулна група. Пример скрекови, вратило, чучњеви, пропаѓања за трицепс итн.
Сила
Динамометар е направата која се користи за да се измери мускулната сила на стисокот. Исто така мускулната сила се мери со максимално подигање тежина на одредена мускулна група при максимално 1 повторување.
Агилност
Поставете цик цак точки, по можност употребете конуси. Трчајте до секоја од точките без да ги допрете најбрзо што можете.
Брзина
Секој тест кој што се мери колку брзо сте стигнале од точката А до точката Б се користи за да се пресмета Вашата брзина. За најпрецизно мерење на брзината трчајте 50 метарски спринт. Но трчањето треба да ви започне 10 – 15 метри пред стартната линија за да забрзате доволно и од точката А до Б да биде само брзината без забрзувањето.
Баланс
Овој вид на тестирање се извршува со стоење на една нога. Кренатото стапало го допира коленото на исправената нога, додека очите Ви се затворени, а рацете Ви се спуштени покрај колковите. Држете ја таа позиција додека можете без да ги мрдате рацете, нозете или да ги отварате очите. Нишањето е дозволено.
Флексибилност
Најчестиот тест за флексибилност е седечкиот и посегнувачкиот тест. Седнете на подот со двете нозе исправени пред Вас. Поставете кутија каде што завршуваат стапалата и ставете линија на кутијата. Посегнете највеќе што можете во должината на линијарот, држејќи ги нозете прави.
