Како што старееме, така се намалува можноста и квалитетот на сонот. Инсомниата ја мачи 1/3 од светската популација, каде што жените страдаат два пати повеќе од мажите. На ова влијаат различните социјални фактори како невработеноста, разводот и други проблеми.
Може да се каже дека апчињата за спиење се некое оелснување, но опасностите од нивното користење ги надминува придобивките. Заради ова се применува друг пристап кон проблемот преку анализа на состојбата на умот, начинот на исхрана и животниот стил може да дадат добри резултати. Следниве природни совети можат да Ви помогнат да заспиете многу полесно и да ја победите несоницата.
1. Ограничете го јадењето на чоколада, газирани напитоци и храни кои содржат кофеин, непосредо пред спиење. Кофеинот делува на централниот нервен систем и го одложува психичкиот замор што прави тешко да заспиете. Истиот ефект го има и пушењето цигари.
2. Диши длабоко и смирено. Со секој вдишен здив насмевни се и замисли дека вдишуваш среќа и позитивна енергија, а со секој издишен здив замислуваш дека го исфрлаш стресот од тебе. Ова навистина помага!
3. Легнувајте секоја вечер во исто време, така ќе го темпирате биолошкиот часовник и многу полесно ќе прифати телото дека е време за спиење.
4. Вежбајте секојдневно, а доколку не сте во можност пробајте да пешачите каде и да одите. Колку повеќе енергија и калории потрошите за време на денот, толку повеќе сон ќе Ви биде потребен за време на ноќта.
5. Креветот нека Ви биде место само за спиење и за сексуална активност, но не и за читање, гледање телевизија или некој друга активност.
6. Истуширајте се 1 – 2 часа пред спиење.
7. Спијте во поладна и добро проветрена просторија, која е тивка и темна.
8. Не гледајте во часовникот.
9. Избегнувајте течности пред легнување, може да ве натераат да станете за да мокрите.
10. Избегнувајте телевизија пред спиење.
11. Каснете мал оброк составен од јаглехидрати, како на пр. житарици непосредно пред легнување.
12. Префрлете се во друга соба со пригушено светло доколку сонот не Ви дојде за 15 – 20 минути.
13. Правете истегнување непосредно пред спиење, многу опушта.
.jpg)
Ако и ова не помага, лекарствата за полесно запивање ќе Ви бидат неопходни и секогаш треба да ги зимете според лекарски рецепт. Долготрајното користење може да доведе до психичка и физичка зависност, затоа бидете внимателни. Од симптомите може да осетите: сонливост, дезориентираност, намалена концентрација, замор, збунетост, краткорочни проблеми со меморијата, сува уста, замаглен вид, како и нередовни отчукувања на срцето (аритмија).
