Зависно од времето во денот или во каква ситуација сте, на Вашето тело му се потребни одредени хранливи својства кои ќе му помогнат да остане на оптимално ниво додека работите. Храната предизвикува секакви хормонални реакции во Вашето тело – реакции кои влијаат врз Вашето расположение, Вашата будност, Вашето ниво на енергија и се останато. Како што е важно што се траба да се јаде, важно е да се знае и кога треба да се јаде.
Што да јадете по напорен тренинг?
Кога ќе ги ставите Вашите мускули на тест, тие се однесуваат како студентите пред завршниот испит, под стрес и скршени. За да одговорат на следниот предизвик, тие растат; на тој начин Вие станувате посилни. Но за да ја искористите целокупната предност на тој процес на растење, на Вашите мускули им се потребни одредени хранливи состојки.
Следете ги следниве чекори за оброци по вежбањето: односот на јаглехидратите и протеините треба да биде 2:1 за кратки, мала или средна тежина на вежбање, и 3:1 за долги, тешки вежби. Јаглехидратите ќе ги надополнат залихите на гликоген (тоа е наталожена гликоза кој обезбедува енергија), додека протеините ќе ги освежат мускулите.
Јадете 30 минути до 1 час по вежбањето, бидејќи тоа е најдобриот период за Вашето тело да ги апсорбира хранливите состојки. Пробајте со чоколадно млеко или со сите видови природни путери од кикирики намачкани на леб од 100 % жито со цели зрна.
Што да јадете по долг, напорен состанок
Ако се чувствувате збунети, изморени по седење на долга презентација изедете неколку бадеми. Тие обезбедуваат здрави масти и малку протеини. Во една студија е покажано дека протеините, а не шеќерот, ги активираат ќелиите кои не држат будни и ги согоруваат калориите.
Додека целите јаглехидрати обезбедуваат гликоза која му помага на мозокот да работи, протеините се гаранција дека нема да заборавите за што била целата презентација. Ова е особено значајно кога протеинот е богат со амино киселината – тирозин, невротрансмитер, критичен за енергијата на мозокот и будноста {28,34 грама (1 ounce) содржат 127 мг тирозин}.
Што да јадете на целната линија?
По секој натпревар на издржливост, замената на изгубената течност треба да Ви биде приоритет. Тоа е затоа што треба да ги замените залихите на гликоген. Најдобрата пост-маратонска храна и пијалак би била составена воглавно од јаглехидрати, некои витамини и мало количество на протеини, за да помогнат да се надополнат изгубените залихи.
Бидејќи течноста полесно се вари од цврстата храна и јаглехидратите полесно се варат од протеините, тркачите би требало да консумираат обично или чоколадно млеко. Чоколадното млеко го има посакуваниот однос 3:1 на јаглехидрати и протеини, и помага да се надополнат останатите хранливи состојки. Тоа е одличен извор на електролити, особено калиумот.
Што да јадете по бурната ноќ
Будењето наутро по бурната ноќ може да биде исцрпувачко, но тоа не единствениот проблем. Научниците од УКЛА забележале дека слабото спиење предизвикува покачување на хормонот грелин, хормон произведен од ќелии кои ги обложуваат желудникот и панкреасот, ја стимулира гладта, и намалување на лептинот, протеински хормон кој регулира внесување и трошење на енергијата по пат на зголемување на апетитот и метаболизмот, во текот на денот, што би довело до зголемување на апетитот и прегревање на организмот.
За да го победите ова почнете го денот со немасни протеини. Пробајте 1 ounce (28,34 грама) од кикирики, бадеми, лешници и слично или 3 ounce (85 грама) посно (немасно) месо, што ќе ви помогне да бидете исполнети подолго време. Исто така можете да пробате Грчки јогурт помешан со банана.
Што да јадете по излегување навечер
Сокот од домати ќе ви го надополнува Вашето тело од изгубените течности и електролити предизвикано од пиењето алкохол.
Научниците од Туланскиот универзитет забележале дека луѓето кои земале капсули од плод од кактус, 5 минути пред да почнат со пиење имале 50 % помалку симптоми на мамурлак.
Теоретски: бидејќи прекумерниот алкохол е токсичен за телото, телото реагира така што се воспалува, како одговор на ефектот од прекумерниот алкохол и штетата која што може да ја предизвика врз ќелиите и органите. Состојките во плодот од кактусот помагаат за намалување на тоа воспаление.
