Состојки за 10 палачинки:
- – 10 лажици интегрално брашно
- – 1 цело јајце (поради аминокиселините)
- – 5 белки
- – 1 ванилин шеќер
- – 250 мл. млеко со ниска масленост или газирана минерална вода
- – 1 лажица какао или 1 дозерка Whey протеин од чоколадо
Сите состојки се ставаат во еден длабок сад и се матат со миксер 2-3 минути, а по потреба се додава млекото. Но палачинките мора да се наполнат со нешто внатре, затоа ќе Ви го предложиме следниот рецепт за филот:
- – 2 јаболки со средна големина
- – 3 мали лажици мед
- – цимет
Јаболките се рендаат или се сецкаат на ситни коцки и се ставаат во сад каде што се додава медот и се меша смесата, за на крај да се додаде циметот по сопствена мера. Користете тефлонско тавче, за да не употребувате масло. Се надеваме дека ќе Ви се допадне рецептот и дека ќе го вклучите во Вашата диета.
