Аеробикот, пешачењето, планинарењето, возењето велосипед или трчањето се одличен аеробен предизвик кој го забрзуваат процесот на согорување на мастите, но тоа треба да се изведува во одредена зона за да се постигнат саканите резултати.
Зона на согорување на масти
Со цел аеробните вежби да бидат ефективни, тренингот треба да се врши во рамките на зоната за согорување на мастите. Вашиот пулс ја утврдува оваа зона.
Формулата за зоната на согорување на масти е следната:
Зона на согорување на масти = 220 – (вашата возраст) x (0,75)
Резултатот од формулата ќе ви даде приближна вредност на тоа колку брзо вашето срце треба да отчукува во минута. На пример, 20-годишниот ќе треба да постигне пулс од приближно 150 отчукувања во минута, со цел да биде во зоната на согорување на масти. Важно е да се запомни дека ова не е апсолутна бројка, тоа е приближување, плус или минус 10 удари од бројот . Согорувањето на масти од вашето тело започнува после 20-30 минути на континуирана физичка активност. Тоа време е потребно за телото да ги осиромаши гликогенските резерви, и да се префрли на согорување на масти. Тогаш можете да бидете сигурни дека согорувате масти.
