Не е важно што се јаде, важно е КОГА се јаде

Луѓето постојано ме прашуваат, јадам помалку, а сепак неможам да ослабам!? Јас им велам, јадете вистинска храна во погрешно време! Тоа ме инспирираше да ја напишам оваа статија.

Не е вежно дали јадете помалку или повеќе, намалениот внес на калории незначи и намалување на тежината, важно е ШТО КОГА јадете и дали Вашето тело има време тоа да го потроши или да го претвори во мускулна маса. Исто така, гладувањето може да предизвика забавување на Вашиот метаболизам, а со тоа ќе троши помалку калории и ќе се чуствувате како да немате енергија и волја за ништо.

УТРИНСКА ДЕТОКСИКАЦИЈА
Половина час пред појадокот е време да направите детоксикација на телото од отровите што сте ги внеле преку храната, течностите и воздухот во текот на претходниот ден.

Водата е број 1 детоксикатор, испијте 300 мл до половина литар веднаш откако ќе станете. Еве друг одличен предлог за детоксикација.

ПОЈАДОК
Појадокот е најважниот оброк во текот на денот. Тој мора да е составен од соодветен протеински оброк кој ги содржи сите 9 есенцијални аминокиселини. Телото после сонот е изложено на повеќе од 8 часа гладување без храна. Аминокиселините ќе му помогнат на телото да ги реактивира сите фукнции кои мора беспрекорно да ги извршува во текот на денот.
Појадокот треба да биде најобилен во сооднос со другите оброци. Исто така покрај незаменливите протеини, највеќе треба да преовладуваат сложените јаглехидрати, а малку да се вклучат и мастите.
Јаглехидратите се пресудни за енергичноста во текот на денот, за правилна функција на мозокот, а може да Ви помогнат и да ослабете.

Диеталните палачинки се одличен старт на денот.

Еве неколку идеи за појадок.

РУЧЕК
Ручекот треба да биде надополнување на појадокот. Никогаш не ручајте ако не сте гладни! Можно е храната од доручекот да не се сварила во желудникот, а со јадење на нова ќе се прејадете врз старата храна од појадокот и ќе се создаде токсична храна во Вашиот организам. За разлика од доручекот, ручекот треба да содржи малку повеќе протеини од сложените јагленихидрати. Протеинската храна, зеленчуковите гарнири и салати треба највеќе да се конзумираат.

ВЕЧЕРА
Вечерата треба да се внесува најмалку 2 часа пред спиењето. Оброците не треба да бидат многу обилни, односно треба благо да ја заситат гладта. Тие треба да се состојат од протеини и масти, а по можност да се исклучат јаглехидратите, освен тие во одредени зеленчуци.

Ниско маслената урда или сирење е одличен избор бидејќи содржи споро разградувачки протеин (казеин), кој ќе ослободува аминокиселини во текот на спиењето и ќе му помогне на телото да се опорави. Исто така вареното пилешко, туната или јајцата  се добар избор, а уште подобар ако се искомбинирани со зеленчукова супа или зеленчукова салата (зелка, марула, шопска) со додадено маслиново масло или јаболков оцет по избор. Јаткастите плодови се исто така одлична опција.

Ако сакаме да ослабеме, најдобро е да ја прескокнеме вечерата.

УЖИНА
Ужината треба да биде ниско калорична и составена од прости јаглехидрати за да ги одржи оптималните нивоа на шеќер во крвта, со цел за подолго време да останете сити. Ужината треба да ја земата помеѓу доручекот и ручекот, како и помеѓу ручекот и вечерата. 

Житните барови, темната чоколада, овошјето, салатата, супата, чајот, какаото и кафето се одлични во таа намена.

ХРАНА ПРЕД ТРЕНИНГ
Храната пред тренингот треба да се состои од сложени јаглехидрати и брзоделувачки протеини и да се јаде 1 до 1 и пол час пред тренингот. 20 мин. непосредно пред тренингот е идеално време за прости јаглехидрати како некое овошје или природно цеден сок. Тука има нешто повеќе за тоа.

Дознајте каква треба да е исхраната пред утринскиот тренинг и за време додека престојувате на планина.

ХРАНА ПОСЛЕ ТРЕНИНГ
Доколку вежбате, исхраната после тренингот е Вашиот најважен оброк. Очекуваните резултати ќе ги добиете со овој оброк, како Вашио опоравок или максималната протеинска синтеза. За време на тренингот и веднаш по него задолжително да земете оброк кој содржи прости јаглехидрати, храна со богата електролити и вода. 30 минути потоа е време за брзоразградувачкиот протеин (Whey) и брзоразградувачки јаглехидрати (белиот леб). Исто така млекото, чоколадното млеко или јогуртот се добри опции, како и баната во комбинација со ориз.

ВИТАМИНСКИ СУПЛЕМЕНТИ
Доколку земате витамински / минерални суплементи најдобро е да ги земате 3 пати: наутро, попладне, навечер. Доколку сте во можност само 2 пати: наутро и навечер. А пак ако можете само 1: навечер е најдобрата опција.